Hetta gjørdist eitt soltið kvøld hjá føroyingaliðunum í bestu hondbóltsdeildini hjá monnum í Íslandi.
Allan Norðberg, Nicholas Satchwell og liðfelagarnir í KA vóru fyri fjórða tapinum á rað, tá teir taptu 26-30 fyri Stjørnuni á útivølli. Í steðginum var Stjarnan á odda 13-12.
Allan skoraði trý mál fyri KA í kvøld, og Nicholas var noteraður fyri 14 bjargingar í málinum hjá KA.
KA er triðaftast í deildini við 11 stigum, og enn eru teir langt frá bjargaðir undan niðurflyting.
Allan og Nicholas fara nú at ferðast heim til Føroya fyri at fyrireika seg saman við hinum í landsliðshópinum til EM-undankappingardystirnar móti Rumenia.
Dysturin í høllini á Hálsi verður leiktur komandi mikukvøld klokkan 19. FM1 sigur beinleiðis frá dystinum.
Janus Dam Djurhuus og liðfelagarnir í ÍBV taptu á útivølli í Hafnarfirði 24-27 fyri FH. Í steðginum var FH á odda 15-13.
Janus gjørdist triðbesti málskjúttin hjá ÍBV við fýra málum í kvøld.
Lið: | Dystir | Málmunur | Stig |
Valur | 17 | 593:500 | 31 |
FH | 18 | 545:533 | 24 |
Stjarnan | 18 | 534:509 | 21 |
ÍBV | 16 | 516:478 | 20 |
Fram | 17 | 505:500 | 19 |
Afturelding | 17 | 503:482 | 19 |
Selfoss | 17 | 517:515 | 19 |
Haukar | 17 | 503:487 | 17 |
Grótta | 17 | 476:487 | 13 |
KA | 18 | 522:560 | 11 |
ÍR | 16 | 456:526 | 8 |
Hörður | 16 | 469:562 | 2 |