Stovningardagurin er hildin við manér í allan dag.
Fyrrapartin vóru fakfeløgini í Fakfelagssamstarvinum til morgunmatar í hølum felagsins. Og bæði fyrrapartin og seinnapartin hevur verið opið hús, har bæði limir, álitisfólk og nógv onnur stukku inn á gólvið til te, kaffi og lagkøku.
Nýtt navn og grafiskur samleiki
Aftaná døgverða var eitt tiltak fyri umleið 100 innbodnum í Smæruni.
Súni Selfoss, formaður kunngjørdi nýggja grafiska samleikan og nýggja navnið “Starvsfelagið”, sum varð tikið alment í brúk í dag. Tað er lýsingarstovan Virka sum hevur gjørt nýggja grafiska samleikan.
Eisini varð ein nýggj heimasíða kunngjørd, sum loysir gomlu heimasíðuna av, sum hevur eini 10 ár á baki.
Og loksins varð eitt jubileumsrit lagt framt, sum Kári Mikkelsen, journalistur hevur lagt til rættis. Innihaldið eru samrøður við fyrrverandi forfólk í felagnum um fakfelagssøguna og verandi formann og nevndarlimir í felagnum um framtíðar avbjóðingarnar. Harumframt er áhugavert søguligt tilfarið úr søgu felagsins at lesa í blaðnum.
##med2##
Røður og tónleikur
Núverandi og fyrrverandi forfólk í Starvsmannafelagnum hildu røður á hátíðarhaldinum í Smæruni, og Helgi Eidesgaard, søgufrøðingur, hevði framløgu um samfelagsliga leiklutin hjá føroysku fakfelagsrørsluni.
##med3##
Borðreitt var við lættari ábiti og drekkandi aftur við. Og undirhaldinum syrgdu Finnur Hansen, tangentleikari, og kvinnubólkurin Sway fyri.
##med4##
Niðanfyri síggjast nakrar av myndunum, sum vóru tiknar á 60 ára jubilemumshaldinum hjá stóra fakfelagnum á almenna arbeiðsmarknaðinum, sum í dag fekk navnabroyting til Starvsfelagið.
##med5##
##med6##
##med7##
##med8##
##med9##
##med10##
