Tað er lagt upp til satt oddabrak, tá ið B36 næsta sunnudag fer at spæla í Runavík.
Úrslitini í dag bóru við sær, at B36 og NSÍ liggja stavn um stavn í toppinum. Bæði B36 og NSÍ hava 44 stig, men B36 er fremst, tí teir hava betri málmun (+25) enn NSÍ (+19).
B36 fer til Runavíkar uttan landsliðsmálverjan Jákup Mikkelsen og landsliðsmiðvallaran Mikkjal Thomassen, sum báðir verða leikbannaðir í 21. umfari. Jákup sá reytt í dag, og gula kortið til Mikkjal útloysti leikbann.
Undan hesum umfarinum var teinurin hjá HB og EB/Streymi tíggju stig upp á toppin. Nú eru tað átta stig frá HB og EB/Streymi og fram til NSÍ og B36.
Í botninum kveiktist lítil vón hjá AB um, at tað skal eydnast at bjarga sær undan niðurflyting. Hjá VB/Sumba sær heilt illa út.
20. umfar
B36-KÍ 2-2 (1-0)
GÍ-EB/Streymur 1-4 (1-1)
Skála-HB 1-3 (0-1)
B71-NSÍ 1-3 (1-1)
VB/Sumba-AB 1-2 (1-0)
B36 44 stig
NSÍ 44 stig
HB 36 stig
EB/S 36 stig
Skála 26 stig
KÍ 25 stig
GÍ 23 stig
B71 22 stig
AB 14 stig
VB/S 11 stig
21. umfar
sunnudagin 2. september
KÍ-VB/Sumba
NSÍ-B36
HB-B71
EB/Streymur-Skála
AB-GÍ
