Tað er lagt upp til eitt brak av einum steypadysti, tá VÍF og StÍF í kvøld bresta saman í seinnu hálvfinaluni í steypakappingini hjá monnum. StÍF vann fyrra dystin 24-22.
Talan er helst um týdningarmiklasta og mest spennandi uppgerðina í føroyskum hondbólti í hesum kappingarárinum, tá dómarin bríkslar fyri fyrstu ferð í Vestmanna í kvøld.
Higartil hevur so nógv ikki staðið upp á spæl í einum hondbóltsdyst, sum er so tættur sum í kvøld. Hálvfinalan millum KÍF og H71 varð avgjørð í fyrsta dystinum, meðan kvinnurnar hjá Neistainum vóru trygt omaná alla seinnu hálvfinaluna.
Alt er opið til dystin í kvøld. StÍF vann fyrru hálvfinaluna 24-22, men hevur havt tað trupult í Vestmanna í hesum kappingarárinum. Tí er lagt upp til ein spennandi dyst.
Coca Cola Cup Steypakapping menn Seinnu hálvfinalur:
Í dag:
VÍF(22) (24)StÍF: 19.30(Beinleiðis á Rás2)
Týsdagin 22. januar
H71(15) (29)KÍF: 22-20 (8-8)
KÍF vinnur samanlagt 49-37 og er í steypafinaluni
