Nato-aðalskrivarin, Jens Stoltenberg, hevur í dag hitt tíðindafólk fyri toppfundin millum uttanríkisráðharrar í Nato.
- Vit standa yvirfyri vandamiklastu heimsstøðuni í mong ár - við kríggi í Ukraina og trupulleikum í Miðeystri.
Jens Stoltenberg sigur seg fegnast um leyslating av gíslum og neyðsynjarhjálp til fólkið í Gaza.
ST-aðalskrivarin heitir eisini á stríðandi partarnar um at bera so í bandi, at vápnahvíldin millum Ísrael og Hamas verður longd.
- Hetta vil tryggja fólkinum í Gaza tiltrongda neyðhjálp, og hetta vil eisini tryggja, at fleiri gíslar verða leyslatnir.
Vápnahvíldaravtalan millum Ísrael og Hamas varar fyribils í fýra dagar, og verandi avtala gongur nú móti endanum.
Jens Stoltenberg vísti eisini á kríggið millum Russland og Ukraina og segði, at tað var Russland, sum kom við hesum kríggi í Evropa.
- Russland vil við hesum eisini gera seg inn á demokratiið í Evropa, legði hann aftrat.
Sambært ST-aðalskrivaranum hevur Ukraina nú tikið aftur umleið helmingin økjunum, sum Russland hevur havt hersett í Ukraina.
- Hetta er ein stórur sigur fyri Ukraina, og Russland er vorðið veikari, bæði politiskt, búskaparliga og hernaðarliga, legði Jens Stoltenberg aftrat.
