Boðað verður frá í tíðindaskrivi frá Strandfaraskipum Landsins, at Sam er settur í sigling um Vestmannasund aftur.
Hann byrjaði á hesi rutuni mikkjalsmessudag tann 29. september.
Ternan, sum hevur siglt um Sundið í summar, er farin á sleipistøð. Tá hon er liðug, skal hon aftur í sigling um Leirvíksfjørð.
Hetta verður væntandi í viku 43 ella 44, sigur Strandferðslan í tíðindaskrivinum.
Tá Ternan fer aftur at sigla millum Klaksvík og Leirvík, verður Dúgvan tikin úr hesi rutuni. Og hon verður løgd.
