Styrkt Neistalið er í betri stima enn H71

Faxe Kondi-kappingin, KVINNUR

1. hálvfinala:

18.00: Kyndil – VÍF, Høllin á Hálsi (Beinleiðis á FM1)

20.00: H71 – Neistin, Hoyvíkshøllin (Beinleiðis á FM1)

Fyrru hálvfinalurnar í ársins steypakapping hjá kvinnum verða leiktar í kvøld.

Í Hoyvík bresta H71 og Neistin saman klokkan 20.00

H71 hevur ligið omanfyri Neistan á stigatalvuni í SMS-deildini meginpartin av kappingarárinum, men Neistin hevur betri innanhýsis úrslit.

Tríggjar ferðir hava H71 og Neistin hitst í landskappingini hetta kappingarárið. H71 vann fyrsta dystin, meðan Neistin vann báðar teir seinnu dystirnar.

Sermerkt er, at Neistaliðið í hesum fyrsta dystinum var púra øðrvísi mannað enn í seinasta dystinum.

Neistin hevur fingið fleiri royndar leikarar aftur, og miðverjan er eitt nú mannað av Føroyameistarunum frá 2016, Brynju Høj og Marjuni Danberg, sum vóru aftur á liðnum stutt fyri jól.

- Fýra eru farnar frá og fýra eru komnar afturat, sigur Kári Horn, neistavenjari, um broytingarnar í hópinum hetta kappingararárið.

- Vit royna enn at finna ein ”start-sjeyara” tekur venjarin til, og sipar til hvørjar sjey eiga at byrja á vøllinum avgerandi dystirnar.

-Hópurin hevur ongar skaðar, allar eru 100 prosent klárar og gleða seg til løturnar sum nú eru fyri framman, sigur venjarin og leggur afturat at hópurin hevur vant væl í seinastuni.

Tað hevur eisini verið at sæð á bæði spælinum og úrslitunum hjá Neistanum hesa seinastu tíðina.

Neistin hevur vunnið seinastu tríggjar dystirnar í landskappingini umframt báðar dystirnar í steypakappingini.
Harímillum lykladystirnar ímóti H71 og Kyndli í landskappingini og ímóti Kyndli í steypakappingini.

Frá in.fo:

H71-Neistin 20-23 (SMS)(FM1)

Neistakvinnur fóru við fyrsta plássinum í bólki 1

Hjá H71 eru allir leikarar eisini til reiðar, sigur venjarin Einar Jónsson við in.fo í dag.

Hjá H71 hava úrslitini verið heldur øðrvísi enn hjá Neistanum – hóast liðini bæði liggja jøvn á triðja plássið í SMS-deildini.

H71 byrjaði kappingarárið framúr væl, vann ímóti Neistanum í kappingarársins fyrsta dysti – Og síðani ímóti øllum liðum, áðrenn Neistin brádliga steðgaði sigursgongdini

Frá in.fo: Neistin-H71 (SMS) 26-19: Dystarendin og samrøður frá FM1

Síðani hava úrslitini verið sera óstøðug. Frá at tapa ímóti StÍF til at vinna við níggju málum á VÍF og so tapa ímóti VÍF tvær vikur seinni.

Í steypakappingini mátti H71 stríðast meira enn gott var ímóti StÍF á heimavølli fyri at spæla seg í hesa hálvfinaluna í kvøld, tá ið tað eydnaðist at vinna við trimum málum.

Men óstøðugu avrikini siga okkum bert so mikið sum, at tað er púra óhugsandi at spáa um avrikið í kvøld – Men at Neistin er væl støðugari enn H71 hesa seinastu tíðina, kann geva ein bláan fyrimun, tá ið hugsað verður um, at hálvfinalurnar verða avgreiddar í tveimum dystum.

Frá in.fo:

Sensasjón: StÍF vann á H71 í SMS-deildini

Vestmannakvinnur hava vunnið seg í Faxe Kondi hálvfinaluna

H71 og Neistin spæla fyrru hálvfinaluna í kvøld klokkan 20.00 í Hoyvíkshøllini. Seinni dysturin verður í Høllini á Hálsi leygardagin klokkan 18.00

Innanhýsis dystir: