Tættur mansdystur í væntu á Hálsi í kvøld

Okkaradeildin:

Klokkan 20: Neistin - VÍF (FM1 sigur frá)

Alt bendir á, at talan verður um ein tættan dyst um næstfremsta plássið í Okkaradeildini, tá ið VÍF bjóðar Neistanum av í Høllini á Hálsi í kvøld.

Undan dystinum liggja liðini púra jøvn í stigum, og vit mugu hyggja eftir málmuni fyri at taka dagar í millum, tí liðini eru eisini jøvn innanhýsis, eftir at tey spældu spennandi javnleik tveimum mánaðum síðani.

Tá vóru málverjarnir, Mladen Mjerimacka hjá VÍF og Nicholas Satchwell hjá Neistanum púra avgerandi fyri at VÍF fyrst legði seg greitt á odda, at Neistin síðani var um at fara við sigrinum og at VÍF so javnaði.

Síðani tá hava málverjarnir báðir avgjørt ein dyst fyri og annan eftir, og tað er mikið møguligt at teir aftur stjala yvirskriftirnar í kvøld.

Sí eisini:

Mladen forðaði fyri at Nicholas og Neistin stjólu sigurin í Vestmanna

Innanhýsis dystir

Støðan í Okkaradeildini (hsf.fo)