Tórshavnar Kommuna fer aldrin at góðtaka, at onnur skulu fáa ein part av tí yvirskoti, sum er skapt í Havn.
Tað staðfestir Annika Olsen, borgarstjóri í Havn. Nú Tórshavnar er farið undir at viðgera fíggjarætlanina fyri næsta ár, reisti Annfinn Brekkstein eisini spurningin um eina kommunala útjavning.
Tað er eitt mál, sum javnan spøkir í almenna orðaskiftinum, og sum verður tikið upp við jøvnum millumbili. Men standa vit saman, styrkir tað okkum, sigur Annfinn Brekkstein.
Annika Olsen sigur, staðfestir, at tað fer aldrin koma upp á tal, tí hon ger greitt, at tað eru borgararnir í Tórshavnar Kommunu, sum skulu fáa ágóðan av teimum virðum, sum eru skapt í kommununi.
Hon fer eisini greitt, Tórshavnar Kommuna fer aldrin at ganga við til eina kommunala útjavningarskipan, tí tey virðini, sum fólkið og vinnan í Tórshavnar Kommunum, hava skapt, skulu koma fólkinum og vinnuni í Tórshavnar kommunu, til góðar – og ongum øðrum.
– Tað er skeivur fíggjarpolitikkur, at tað yvirskotið, ein kommuna hevur klárað at skapt, skal latast øðrum kommunum at brúka. Men borgarstjórin heldur, at eru tað øki í landinum, sum eru so illa fyri, at tey hava brúk fyri eini innspræning, má tað vera landið, sum skipar ein økismenningarpolitikki.
– Tað verður aldrin talan um at gera eina kommunala útjavningarskipan, leggur hon afturat.
