Týsdagin hin 14. november verður 100 ára minningarløta við minnisvarðan í Miðvági.
Tað var henda feigdardag í 1923, at fýra ungir miðvingar sjólótust, og nógvir vórðu bjargaðir í herviligari kavaódn.
Ein skrá er løgd er løgd fyri tiltakið, sum byrjar við minnisvarðan í Miðvági klokkan 18.30. Tá fer Marjun Kálvalíð at hava andakt, og kransur verður lagdur.
Minningarløta verður síðan í bygdaskúlanum í Miðvági klokkan 19.15, og her verða frágreiðingar um ringa útróðrardagin hin 14. november í 1923.
Á tiltakinum verður eisini sangur, og her fara Sámal Ravnsfjall, Systkini á Løgmansbø og Tórfríð Tavsen at framføra.
Eftir tónleikaframførsluna verður høvi at fáa ein drekkamunn, og her verður eisini ein framsýning at síggja.