Tað var so spennandi og intenst, sum tað sjáldan er tað, tá ið NSÍ í kvøld hevði vitjan av B36.
Sjey mál, nógvir málmøguleikar og bólturin var fleiri ferðir á stólpum og á tvørtræi.
Tað boðar frá góðum undirhaldi, og soleiðis var tað.
Vanliga leiktíðin var farin, tá ið Erland B. Danielsen, sum lítla løtu frammanundan hevði loyst Klæmint A. Olsen av, stýrdi innleggi frá Boga Løkin í málið. Bogi Løkin varð saman við Debes Danielsen skiftur inn beinanvegin eftir steðgin, tá ið B36 var á odda 2-1.
B36 vísti góðan moral, tá ið árstalsfelagið fleiri ferðir kom afturíaftur: Símun Joensen javnaði til 1-1 við stútara, eftir at B36 hevði gjørt sjálvmál og harvið hjálpt NSÍ til 1-0.
Christian R. Mouritsen legði B36 framum 2-1 við fínum frísparki, og Jákup á Borg javnaði til 3-3. Johan Troest Davidsen og Jann Ingi Petersen við framúr frísparki úr 25 metrum syrgdu fyri NSÍ málunum til 2-2 og 3-2.
Og so var tað, at tað í síðstu løtu var staðfest, hvussu tað ber til, at NSÍ er topplið, og at B36 er miðskeiðis í røðini!
------
NSÍ-B36 4-3 (1-2)
Dómari: Eiler Rasmussen
1-0: sjálvmál Herbert í Lon Jacobsen 4.
1-1: Símun Joensen 21.
1-2: Christian R. Mouritsen 45.
2-2: Johan Troest Davidsen 64.
3-2: Jann Ingi Petersen 75.
3-3: Jákup á Borg 85.
4-3: Erland B. Danielsen 90.
NSÍ: Andras Gango - Jónhard Frederiksberg, Jens Joensen, Jóhan Troest Davidsen, Einar T. Hansen (Debes Danielsen, 46.) - Jann Martin Mortensen (Bogi Løkin, 46.), Jústinus R. Hansen, Jann Ingi Petersen, Heðin á Lakjuni - Klæmint A. Olsen (Erland B. Danielsen, 89.), Christian Høgni Jacobsen
Gult kort: Jens Joensen, Christian Høgni Jacobsen
B36: Jóan Pauli Dahl Jakobsen - Jónas Tór Næs, Herbert í Lon Jacobsen, Oddmar Færø, Símun Joensen (Johan Ellingsgaard, 79.) - Bárður Olsen (Heini í Skorini, 69.), Róaldur Jacobsen, Christian R. Mouritsen, Hjalgrím Elttør (Høgni Eysturoy, 76.) - Jákup á Borg, Stig-Roar Søbstad
Gult kort: eingin
-------
4-3
Liðugt!
-------
85 min.
3-3
B36 hevur skorað, so støðan nú er 3-3. Jákup á Borg royndi seg, og umvegis ein av verjuspælarunum hjá B68 fór bólturin í málið aftanfyri Andras Gango.
----
75 min.
3-2: Jann Ingi Petersen 75.
Jann Ingi Petersen hevur lagt heimaliðið á odda 3-2. Tað gjørdi miðvallarin við rimmar frísparki úr 25 metra fjarstøðu.
Leiðslumálið kom ikki óvart á, tí NSÍ hevur í 2. hálvleiki verið omaná.
Heini í Skorini hevur loyst Bárð Olsen hjá B36 av.
----
65 min.
2-2: Jóhan Troest Davidsen 64.
Málskjútti til 2-2 var miðverjin Jóhan Troest Davidsen, sum stýrdi bóltin í málið eftir hornasparksinnlegg.
Heimaliðið hevur hug at trýsta, og Christian Høgni Jacobsen hevur sent bóltin í stólpan aftanfyri B36 málverjan.
------
60 min.
1-2
Bogi Løkin hjá NSÍ hevur sent í stólpan aftanfyri Jóan Paula Dahl Jakobsen, og Jákup á Borg hjá B36 hevur úr spískum havt góða roynd.
---------
50 min.
1-2
NSÍ hevur gjørt tvær útskiftingar beinanvegin eftir steðgin. Inn eru komnir Bogi Løkin og Debes Danielsen, sum nú spæla í hvør sínum borði á miðvøllinum.
Heðin á Lakjuni, sum var vinstri á miðvøllinum er fluttur aftur á vinstra vongverja, og Jann Martin Mortensen og Einar T. Hansen, sum var eitt sindur skaddur, eru farnir av vøllinum.
--------------
1-2: Christian R. Mouritsen 45.
Hálvleikur
Toppliðið NSÍ, sum hevur vunnið tíggju av ellivu teimum seinastu dystunum og hevur spælt tann eina javnan, er aftanfyri 2-1, nú spælararnir eru farnir at hvíla seg í Runavík.
Lítla løtu undan hvíldini legði B36 seg á odda. Christian R. Mouritsen sendi fríspark dygst uttanvert brotsteigarmarkið upp um manngarðin og umvegis tvørtræið og í málið.
-----------
25 min.
1-1: Símun Joensen 21.
vinstri vongverjin hjá B36 stýrdi við høvdinum bóltin í málið aftanfyri Andras Gango
-------
5 min.
1-0: sjálvmál 4.
Herbert í Lon Jacobsen
-------
NSÍ-B36 (1-2) kl. 18.00
Dómari: Eiler Rasmussen
NSÍ: Andras Gango - Jónhard Frederiksberg, Jens Joensen, Jóhan Troest Davidsen, Einar T. Hansen (Andy Olsen, 46.) - Jann Martin Mortensen (Bogi Løkin, 46.), Jústinus R. Hansen, Jann Ingi Petersen, Heðin á Lakjuni - Klæmint A. Olsen, Christian Høgni Jacobsen
B36: Jóan Pauli Dahl Jakobsen - Jónas Tór Næs, Herbert í Lon Jacobsen, Oddmar Færø, Símun Joensen - Klæmint Matras, Róaldur Jacobsen, Christian R. Mouritsen, Hjalgrím Elttør - Jákup á Borg, Stig-Roar Søbstad
