KÍ kvinnurnar staðfestuí gjárkvøldið við 9-0 sigri á HB, at tær aftur í ár verða sera gott boð upp á FM heitið. Tað gongur sum eftir ánni í ítróttinum í Klaksvík. Úrslitini beda á, at menninir tykjast vera komnir fyri seg aftur, og hjá kvinnunum gongur tað, sum tað plagar, um roknað verður út frá Mjølnir, Stjørnuni og KÍ kvinnunum.
Í gjárkvøldið hevði KÍ vitjan av HB, og har var eingin ivi. KÍ vann 9-0 eftir 5-0 í hálvleikinum. Tvær skoraðu trý mál í part. Onnur var veteranurin og toppskjúttin í mong ár, Rannvá B. Andreasen, og hin var 15 ára gamla Maria K. Thomsen.
KÍ hevur fulla úrtøku eftir trý umfør. AB hevur eisini fulla úrtøku, men tær á Argjum hava bara spælt tveir dystir. Tá ið B36 vitjaði á Argjum var veðrið so mikið illfýsið, at dómarin gjørdi av av blása hann av.
Oyggjauppgerðin í Sarpugerði var sera undirhaldandi. Skála var tvær ferðir á odda. Tá ið Víkingur lítla løtu undan leikloki skoraði til 3-2, bendi alt á, at øll stigini fóru at vera eftir í Gøtu, tí lítla løtu frammanundan var ein av Skála spælarunum rikin av vølli. Men í yvirtíðini eydnaðist tað Skála at javna.
Fjórða umfar verður 2. Páskadag, og tá verður toppuppgerð á Argjum.
AB-B36 útsettur
Víkingur-Skála 3-3 (1-1)
0-1: Solveig Frederiksberg 3.
1-1: Anna Joensen 24.
1-2: Fríðrún Danielsen 76.
2-2: Laila Pætursdóttir 79.
3-2: Heidi Sevdal 89.
3-3: Birna Johannesen 90.+2.
Reytt kort: Kristinbjørg Frederiksberg, Skála, 86.
KÍ-HB 9-0 (5-0)
1-0: Maria K. Thomsen 13.
2-0: Sofía Purkhús 18.
3-0: Rannvá B. Andreasen 20.
4-0: Maria K. Thomsen 22.
5-0: Rannvá B. Andreasen 39.
6-0: Rannvá B. Andreasen 48.
7-0: Sofía Purkhús 57.
8-0: Malena Josephsen 70.
9-0: Maria K. Thomsen 71.
Støðan
KÍ 9
AB 6
Skála 4
B36 1
Víkingur 1
HB 1
4. umfar
2. páskadag
B36-Skála
AB-KÍ
Víkingur-HB
