Taks vann á P/F Varðanum í Hægstarætti

Málið snýr seg um, hvørt sølupeningurin av teim­um fyrstu 887 milliónunum í eini møg­ul­­igari sølu av partafelagum Varð­a­num er skattskyldugur.
Bæði Føroya Rættur og Eystari Lands­rætt­ur hava givið eigarunum viðhald í, at hes­in partur av møguligum sølupeningi er skatta­fríur. Men tað góðtók Taks ikki og kærdi tí dóm­in hjá Eystara Landsrætti til Hægsta­rætt.
Hæstirættur kom í gjár til ta niðurstøðu, at pen­­ingurin er skattskyldugur, og at eig­ar­ar­nir tískil skulu gjalda 330 milliónir í skatti av hesum, um teir selja. Fyri einum ári síð­ani kom Eystari Lands­rættur til júst ta øvugtu nið­ur­støð­una, og tí kærdi TAKS málið til Hægsta­rætt, sum gav TAKS viðhald. Fyri tað tíð kom eisini Før­oya Rættur til somu niðurstøðu sum Land­s­rætturin.
Teir 11 eigararnir í P/F Varðanum skulu gjalda 3 milliónir krónur til TAKS og 4 milliónir krónur í sakarmálskostnaði. Verji hjá P/F Varðanum er Christian F. Andr­easen, advokatur.