myrkrið fjalir
okkara vakra land
høgrarákið latið
sosialismuna í ein
kavrotnan serk
tann kúgaða líkasæla fjøldin
stendur nekta spillnakin
trælalyndi
uppreistrarhugurin
kódnaður av eitrandi oyðandi
roykinum frá
listilærdu spekulantunum
multinationalu kræddararnir
eins og soppar
oyða og drepa alt á teirra leið
kúgandi stættin
niðurbindur fjøldina
meðan
trælahandilin og trælalívið
hevur fríar ræsur
sosialistiska hugsjónin
vorðin ørindasveinur
hjá vandamikla høgrarákinum
stórkapitalinum - profittinum
privatiseringsgyrndin
øsur ta kúgaðu fjøldina
mei ei
hetta letur sær lynda
stríðshuga til verka fer
hevjar stríðsbrandin
tað blóðreyða stættastríðið mikla
brimar í eystanroðanum
vandamikla fundamentalistiska rákið
má dvína
ikki pláss fyri slíkum illgresi
í tí nýggja fólkaheiminum
tann kúgaða fjøldin ófræls vorðin
sætt frælsi ei vit fáa
fyrr enn kúgandi kapitalistarnir
privatiseringsómennini
durafjórðingin fáa
tá verður fagnaðarljómur
í gildisskála proletaranna
so leingi stórkapitalurin
spekulantarnir
kúga og hóreiggja sær
verður stættastríðið sjónligt í orð og gerð
gjógvin millum rík og fátæk
vorðin djúpari og grefligari
materialisman latin í
andaligan búna
vorðin so hástór, máttmikil
sjálvsøkin og kúgandi sum ongantíð áður
eins og í tí myrku miðøld
ósolidariski skarin í trælaserki
ikki medvitandi
bæði kúgaður og kúgandi
við borgarliga streyminum fylgir
mikið gyklaverk
telgja sær gudar, um gullkálvin dansa
hálovar stórmonnum og kapitalistunum
trælur í egnum húsi
ljómur úr farnari, myrkari tíð
gapandi sálarleysar einaræðisborgir
Vit kúgaðu vilja stríðast
fyri frælsi, rættvísi og solidariteti
tann brennandi, máttmikli, árvakni
solidariski skarin
fylkist í hóp og stríðsfúsur vil berja niður
tað kavráa harkaliðið
Kammerátar!
tann stríðsreyða socialisman vil sigra!
sigurin er í nánd!
Skoði samhugafylkingina miklu
fløðir innar í fólkaheimið
stríðskvæðið ljómar hátt í høll
Brátt lýsir í eystri
1. mai 2006
Sólmundur Joensen
