Í kvøld er stórur spenningur kring Føroya land, nú Kári Fossdalsá og Tina Mellemgaard aftur fara at royna seg í X-Factor kappingini.
Tey hava bæði rættiliga gjørt um seg í undanfarnum umførum, og longu nú hava tey stórt rós uppborið fyri sína luttøku.
Í B68-húsinum á Tofum, har viðheftu myndir eru tiknar í kvøld, eru rættiliga nógv fólk savnað at fylgja X-Factor sendingini í kvøld.
Her eru bæði børn og vaksin, nú bygdamaðurin, Kári Fossdalsá, aftur fer at royna seg, og øll ynskja honum sjálvsagt allar bestu eydnu.
Spenningurin er stórur, tí tað er í Nes kommunu, at hann hevur slitið sínar barnaskógvar, og fólk eru errin um, at hann er komin so langt í kappingini.
##med2##
##med3##
