Arsenal er komið illa frá byrjan í Premier League og í dag taptu teir fyri Tottenham, sum hinvegin tykist væl fyri. Bæði Chelsea og Fulham vunnu stórsigrar og høvdu hattrick skjúttar á liðnum.
Grannauppgerðin í London byrjaði við fullari ferð og fokus á fyrrverandi Arsenal framherjanum, Emmanuel Adebayor. Hann og eitt nú Gareth Bale gjørdu um seg í fyrr hálvleiki. Í hinum endanum hevði Gervinho størsta málmøguleikan, tá hann var spældur leysur av Robin van Persie, men skotið fór við síðuna av málinum.
Tottenham kom á odda tá tað manglaðu fimm minuttir av fyrra hálvleiki. Rafael van der Vaart tamdi ein langa bólt inni í Arsenal brotsteiginum og smekkaði til í handara síðunet.
Arsenal svaraði aftur stutt inn í seinna hálvleik. Eftir deyðbóltsstøðu endaði bólturin hjá Alex Song sum rak til baklinjuna í vinstru og legði innfyri til Aaron Ramsey, tætt undir málinum setti fótin á og javnaði.
Avgernadi løtan kom tá eitt stórt korter restaði í. Eftir innlegg kom bóturin útfrá til Kyle Walker, sum smekkaði til. Bólturin mest sum skifti kós á veg móti málinum og snýtti Arsenal málverjan. Restina av dystinum var Tottenham nærri at økja enn Arsenal var at javna.
Chelsea vann fyrr í dag heili 5-1 á Bolton. Frank Lampard, sum hevur verið fyri ákoyringum í seinastuni, skoraði hattrick. Hini bæði málini skoraði Daniel Sturridge, sum í fjør var leigaður út til júst Bolton.
Andy Johnson skoraði eisini hattrick fyri Fulham, sum vann ikki minni enn 6-0 á QPR.
Premier League í dag:
Bolton Chelsea 1-5 (0-4)
0-1 Daniel Sturridge, 2
0-2 Frank Lampard, 15
0-3 Daniel Sturridge, 25
0-4 Frank Lampard, 27
1-4 Dedrik Boyata, 46
1-5 Frank Lampard, 56
Fulham QPR 6-0 (3-0)
1-0 Andy Johnson, 2
2-0 Danny Murphy, 20
3-0 Andy Johnson, 38
4-0 Andy Johnson, 60
5-0 Clint Dempsey, 65
6-0 Bobby Zamora, 74
Swansea Stoke 2-0 (1-0)
1-0 Scott Sinclair, 9
2-0 Danny Graham, 85
Tottenham Arsenal 2-1 (1-0)
1-0 Rafael van der Vaart, 40
1-1 Aaron Ramsey, 51
2-1 Kyle Walker, 73
