Um 11 tíðina í gjármorgunin gjørdi løgreglan ferðmátingar á Fuglafjarðarvegnum. Har varð ein bilførari máldur til at koyra 107 km um, ein 115 og ein 120 km um tíman. Tann fyrsti fær bót, hinir báðir fáa umframt bót eisini treytaða frádøming av koyrikortinum, sum merkir, at teir skulu til nýggja eftiransandi koyriroynd.
Seinnapartin í gjár kl 14.30 var ein bilur kannaður í Eysturoy. Har fann løgreglan euforiserandi evni og ymsa útgerð til euforiserandi evni. Bilførarin verður skuldsettur fyri tað.
Kl 16 hendi eitt víkiskylduóhapp í Havn, har tað tó bara var talan um materiellan skaða.
Og klokkan 1 í nátt var enn ein bilførari máldur at koyra so mikið skjótt, at hann fær eina treytaða frádøming. Hann varð máldur at koyra 125 km um tíman.
