Fyrr í dag bleiv 27. og seinasta umfarið í 1. deild hjá monnum spælt.
Tað eru longu fleiri vikur síðani, at tað gjørdist greitt, at Skála og B68 verða liðini, sum flyta upp í Effodeildina at spæla í komandi kappingarári. Hesi bæði liðini bóðu eisini næstbestu deildini farvæl á bestan hátt við at vinna seinasta dyst teirra. Skála vann 1-3 ímóti teimum næstbestu hjá NSÍ, meðan B68 vann heili 2-6 ímóti B71 á Sandi.
Venjarin hjá B68 er fyrrverandi málslúkurin í føroyskum fótbólti, Súni Fríði Barbá. Áhugavert er, at hetta er triða uppflytingin hjá Súna Fríða síðani 2010. Í 2010 flutti hann upp við næstbesta liðnum hjá 07/Vestur, ið vann seg úr 2. deild og upp í 1. deild. Í fjør vann hann 2. deild við MB, og í ár eydnaðist tað so hjá Súna Fríða at flyta upp við heimliga felagi sínum, B68.
Liðini, ið mugu taka ta tungu leiðina úr 1. deild og niður í 2. deild, eru næstbesta liðið hjá B36 og MB. B36 tapti seinasta dystin 1-4 á útivølli ímóti KÍ, meðan MB á heimavølli tapti heili 3-9 ímóti grannunum úr 07/Vestur. MB fekk bara fimm stig í ár, og eisini gjørdust miðvingarnir tað liðið, sum hevur latið flest mál inn upp á eitt kappingarár, síðani 1. deild fór upp á 27 umfør í 2006. MB lat 133 mál inn, og hetta gevur eitt miðaltal upp á næstan fimm innlatin mál fyri hvønn dyst.
Sigurin hjá 07/Vestur merkir, at felagsliðið har vesturi yvirhálar AB og endar á bronsuplássinum í deildini.
Úrslitini og endaliga støðan í deildini kunnu síggjast niðanfyri.
AB-Víkingur 1-1 (1-0)
1-0: Sorin Anghel 40.
1-1: Magnus Jarnskor 70.
B71-B68 2-6 (1-2)
1-0: Ari M. Olsen 28.
1-1: Emil Ronaldsson 29.
1-2: André Olsen 44.
2-2: Markus Clementsen 55.
2-3: Óli H. Olsen 61.
2-4: Ovi Brim 74.
2-5: Emil Ronaldsson 78.
2-6: Óli H. Olsen 88.
NSÍ-Skála 1-3 (0-2)
0-1: Ólavur Mikkelsen 2.
0-2: Jákup Johansen 26.
1-2: Hans Marius Davidsen 60.
1-3: Ólavur Mikkelsen 64.
MB-07 Vestur 3-9 (2-4)
1-0: Ingi W. Joensen 4.
1-1: Holgar Durhuus 12.
1-2: Holgar Durhuus 27.
2-2: Otto Jacobsen 34.
2-3: Sølvi Egilsson 36.
2-4: Sølvi Egilsson 45.
3-4: Solomon Kwao 49.
3-5: Gunleif Olsen 69.
3-6: Sveinur Ellefsen 73. (sjálvmál)
3-7: Sølvi Egilsson 79.
3-8: Bjarni Á. Dalsgaard 85.
3-9: Sigtór Asbjørn Petersen 89.
KÍ-B36 4-1 (2-1)
1-0: Jóannes K. Danielsen
1-1: Pætur Petersen
1-2: Eivindur Sørensen
1-3: Eivindur Sørensen
1-4: Aksel B. Danielsen.
Endaliga støðan í deildini kann síggjast HER.
