Síðani dystin ímóti Slovakia hóskvøldið eru fleiri føroyingar komnir til Berlin. Tí í morgun klokkan 7 fór enn eitt flogfar úr Vágum við føroyskum áskoðarum.
Og gott lag er á føroyingum í Berlin, sum eru sera spendir til dystin í kvøld, hóast øll vita, at Noreg verður ein tungur burður.
Á síðuni Hondbóltskjak á Facebook verður roynt at hita undir, og fyrisitarin á síðuni, Ásbjørn Nielsson Nattestad vísir á, at okkara spælarar hava brúk fyri meira stuðli til teir báðar næstu dystirnar.
– So vit mugu gera ein ein minst líka góðan innsats á áskoðaraplássinum sum hóskvøldið.
– Vit vaska vónbrotið av okkum og koyra enn meiri á okkara #hetjur, sigur hann.
– Og tá ein minuttur er eftir av dystinum í kvøld og mánadagin tríva vit í tjóðsangin, skrivar hann.
##med2##
Onkur heldur fyri á tráðnum, um vit ikki skulu hjálpa »teimum 150 norsku áskoðarunum« eisini við at syngja Norska tjóðsangin undan dystinum. »Tí teir sungu slett ikki við í fyrrakvøldið«, sum skrivað stendur.
Og tað hevði uttan iva verið nakað, sum tey í Noreg løgdu merki til, um allir teir 5.000 føroyingarnir sungu við, tá norski tjóðsangurin varð sunging.
##med3##
Teksturin til fyrsta ørindi í norska tjóðsanginum er her:
Ja, vi elsker dette landet,
som det stiger frem
furet, værbitt over vannet
med de tusen hjem,
- elsker, elsker det og tenker
på vor far og mor
og den saganatt, som senker
drømme på vår jord
og den saganatt, som senker
senker drømme på vår jord.
