Á veg heim úr Stórabretlandi, har amerikanski forsetin og kona hansara hava verið á vitjan, noyddist ein tyrla við teimum báðum at neyðlenda.
- Forsetatyrlan fekk trupulleikar við hydraulikkinum, tá Donald Trump og Melania Trump vóru á veg úr Chequers til Stansted-flogvøllin í London í dag.
Daily Mail skrivar, at orsakað av einum minni hydrauliskum trupuleika og við stórum varsemi lendi tyrluskiparin, áðrenn tey komu til floghavnina í Stansted.
Tíðindaskrivarin í Hvítu Húsunum, Karoline Leavitte, váttar hendingina sambært Daily Mail.
##med2##
Sagt verður, at tyrlan við forsetahjúnunum lendi í Luton Floghavnini, har forsetin og forsetafrúan fóru í eina aðra tyrlu.
Seinnu sluppu tey, sum ætlað, umborð í Air Force One-flogfarið, sum flutti tey vestur um hav.
