Trygdargrunnur Fiskimanna er fluttur í hølini hjá ALS á Tinghúsvegnum, men verður framvegis ein sjálvstøðugur stovnur.
Trygdargrunnurin er júst fluttur úr hølunum hjá Fiskiveiðieftirlitinum til ALS.
Tað merkir tó ikki, at stovnarnir eru lagdir saman, og starvsfólkini verða tey somu.
- Vit síggja fleiri fyrimunir við hesum, tí skipanirnar eru fullkomiliga eins, og í staðin fyri at byggja upp sína egnu umsiting kann Trygdargrunnurin gera brúk av teimum hentleikum, sum ALS hevur, kt o.a., sigur Alfred Petersen, stýrisformaður.
