Tað hendir, nú Svøríki hevur bíðað í hálvtannað ár eftir at gerast limur í vesturlendsku hernaðarsamgonguni.
Sambært formanninum í turkisku uttanríkisnevndini, Fuat Oktay, kann avgerðin koma aftur á skránna í næstu viku. Men hann vil ikki siga nakra tíðarfreist.
Tað var sambært svensku tíðindastovuni TT »eitt drúgvt og lívligt kjak« í gjár, tá tveir limir í nevndini so vildu hava málið útsett til í næstu viku.
Umsóknin hjá svensku stjórnini skal viðgerast í nevndini sum liður í góðkenningini hjá Turkalandi. Men tað er bara eitt av fleiri seinni stigum tilgongdini.
Bara Ungarn og Turkaland vanta nú at góðkenna Svøríki sum lim í Nato.
/ritzau/