Ein greið ábending fast í kvøld um hvør kemur at gera seg galdandi í Coca Cola Cup steypakappingini hjá monnum. Í Kollafiriði tekur KÍF ímóti Kyndil, meðan Team Klaksvík fær vitjan av StÍF.
KÍF verður av teimum flestu mett sum sterkasta liðið í løtuni. Teir liggja eisini nummar eitt í Atlantic Airways deildini, men kappingin er jøvn. Sunnudagin vunnu teir tó í stórum stíli á VÍF í Vestmanna.
Kyndil hevur havt eitt sindur misjavnt kappingarár, men við sigrinum á H71 um vikuskiftið blandaðu teir seg upp í stríðið um FM finalu plássið. Seinast liðini møttust í Kollafirði endaði tað við 30-30 javnleiki, meðan KÍF vann við fimm málum í høllin á Hálsi.
Í KÍ høllini tekur Team Klaksvík móti strandingum, sum somuleiðis eru farnir at gera um seg í FM finalu stríðnum. Her eru gestirnir stórfavorittar. StÍF vann um vikuskiftið 25-15 á júst Team Klaksvík.
Coca Cola Cup steypakappingin menn fjórðingsfinalur
H71 Neisitin 27-25(Eftir umdyst)
Í dag
19.30 Team Klaksvík StÍF
20.00 KÍF Kyndil
Hósdagin 10. jan 2013
19.30 VÍF Neistin
Mynd: (Christian Johannesen) Fegnir kollfirðingar eftir sigurin á VÍF um vikuskiftið
