Ísraelsk álop á Gazageiran hava seinastu fýra samdøgrini kostað tveimum ísraelskum gíslum lívið og sært átta álvarsliga.
Tað vilja tey í vápnaðu deildini hjá HAmas, al-Qassam Brigadurnar, vera við í boðum í dag á boðtænastuni Telegram.
– Umstøður teirra gerast alsamt meira óvissar, nú møguleikarnir fyri at geva teimum viðkomandi viðgerð minkar, verður sagt í boðunum.
Al-Qassem Brigadurnar siga víðari, at Ísrael hevur »fullu ábyrgdina« fyri lívinum hjá gíslunum, sum eftir eru.
Hernaðarliga rørslan Hamas tók 240 gíslar til fanga í álopunum á Ísrael 7. oktober í 2023.
Tey tiknu vórðu tikin úr Ísrael í Gaza, har tey higartil hava verið hildin sum gíslar í fýra mánaðir.
Umleið helmingurin av gíslunum eru latnir leysir. Tað er ógreitt, hvussu nógvir gíslar eru eftir á lívið í Gaza.
Millum gíslarnar eru bæði ísraelar og útlendingar.
/ritzau/Reuters