Tað eru tvær kendar røddir, ið framføra. Aðra eigur Flemming Petersen úr Syðrugøtu, sum frá blaðungum árum hevur verið virkin í føroyska tónalívinum og framvegis er virkin í bólkinum, Flermming & Vinmenn. Flemming gav í 2006 út fløguna »Knúsandi løgur«.
Hina røddina eigur Kristina Bærentsen, ið seinnu árini veruliga hevur gjørt vart við seg sum ein frálík country og gospell sangarinna. Hon hevur millum annað givið út fløguna, »Kristina«, og luttikið á fløgum hjá Halli Joensen.
Sangirnir eru vorðnir til í samstarvi millum Pál, Flemming og Mikkjal. Hinir tónleikararnir eru Kristina Bærentsen (sang), Benjamin Petersen, Ólavur Olsen og Brandur Jacobsen.
Sangur og ljóðføri eru tikin upp í Studio Vangberg í Syðrugøtu og í Kris-studio í Tórshavn. Sangirnir, sum Óli Poulsen hevur ljóðblandað, snúgva seg um lívsins álvara og gaman. Annar er um lívið her og nú, og hin um lívsleiðina frá byrjan til enda.
Hóast sangirnir líkjast í evni, eru løgini sera ólík.
»Vit liva nú« er ein lívligur og glaður sangur við dixilandjazz íblástri. ERin sangur um hugsanir, stúranir og brostnar dreymar, ið vit brúka óneyðuga tíð upp á, í staðin fyri at liva her og nú.
Hesi eru við á sanginum:
Páll Isholm, Orð og lag
Flemming Petersen, Sang, kór og gittar
Benjamin Petersen, Gittar og banjo
Mikkjal Joensen, Bass
Ólavur Olsen, Trompet, trombone og flugelhorn
Brandur Jacobsen, Trummur
»Eydnuhjólið« er ein slow-valsur. Sangurin er um kærleikan og um spennandi gøturnar, ið hann leiðir okkum út á lívsins ferð.
Hesi eru við í sanginum:
Páll Isholm, Orð og lag
Flemming Petersen, Sang, kór og gittar
Kristina Bærentsen, Sang og kór
Benjamin Petersen, Gittar
Mikkjal Joensen, Bass og saxofon
Ólavur Olsen, Trompet, trombone og flugelhorn
Brandur Jacobsen, trummur
