Spenningurin er varðveittur í bólki E av tveimum orsøkum. Fyrsta tók Kosta Rika øll á bóli og vann 1-0 á Japan, og í kvøld megnaði Týsklandi at fáa útjavnandi málið móti Spania, so eisini teir kunnu koma víðari.
Japan – Kosta Rika 0-1 (0-0)
0-1 Keysher Fuller Spence, 81
Fótbóltur gevur ikki altíð meining. Japan vann í fyrsta umfari á Týsklandi, meðan Kosta Rika tapti 7-0 móti Spania. Í dag vann Kosta Rika 1-0 á Japan. Tað var enntá við fyrsta og einasta skotinum, sum Kosta Rika hevur havt á mál.
Tað er breið semja um, at Kosta Rika sannlíkt verður varpað úr HM-endaspælinum, tá teir møta Týsklandi í triðja og seinasta umfarinum í bólkaspælinum. Japan kundi við sigri havt tryggjað sær víðari luttøku, men við ósigrinum er Týskalnd við aftur.
Spania – Týskland 1-1 (0-0)
1-0 Alvaro Morata, 62
1-1 Niclas Fullkrug, 83
Við óvæntaða úrslitinum fyrr í dag, kundi Týskland tapa og framvegis koma víðari. Tað tók broddin av dystinum, sum endaði við javnleiki 1-1. Spania mundi hava nakað meir av skipaðum spæli og kom eisini á odda við máli frá Alvaro Morata.
Týsklandi sendi 29 ára gamla Niclas Fullkrug á vøllin. Áleyparin hjá Werder Bremen skoraði til 1-1 við góðum skoti. Hann hevur júst fingið debut á týska landsliðnum.
Støðan – Bólkur E:
1: Spania 4
2: Japan 3
3: Kosta Rika 3
4: Týskland 1
