U19 og U17-landsliðið hjá monnum spældu í dag EM-undankappingardystir.
Føroyska U19-landsliðið megnaði ein flottan javnleik 0-0 móti favorittunum úr Norðurmakedonia. Dysturin var spældur í Escharen í Niðurlondum.
Talan var um eitt gott verjuavrik. Skothagtølini søgdu 15-1 til Norðurmakedonia.
Hini bæði liðini í undanbólki 5 eru Niðurlond og Moldova.
Leygardagin klokkan 11 spæla Føroyar móti Moldova.
Føroyska U17-landsliðið tapti í Burton-upon-Trent 0-3 fyri vertstjóðini, Onglandi. Ongland var á odda 2-0 tá 19 minuttir vóru leiktir. Í yvirtíðini øktu onglendingar til 3-0.
Hini bæði liðini í bólki 1 eru Estland og Ísrael.
Leygarkvøldið klokkan 19 spæla Føroyar móti Estlandi.
##med2##
