Tað verður "ríkisfundur" í Max Schmelling høllini í Berlin klokkan níggju leygarmorgunin. Tá skulu Føroyar og Danmark dystast um rættin at spæla um fimta plássið.
Týskland vann í kvøld í hálvfinaluni 31-26 á Danmark. Í steðginum var Týskland á odda 17-11. Danmark fótaði sær væl í seinna hálvleiki, men Týskland megnaði at halda munin.
Týskland spælir hálvfinalu móti Serbia leygardagin klokkan 14.30. Klokkan 17 spæla Ungarn og Ísland hálvfinalu.
Í niðaru hálvfinalunum um rættin at spæla um fimta plássið møtast Føroyar og Danmark klokkan níggju, og Kroatia og Portugal møtast klokkan 11.30.
Týskland – Danmark 31-26 (17-11)
Týskland : Nils Lichtlein 7, Renars Uscins 5, Justus Fischer 5, Tim Freihöfer 5, Mathis Häseler 4, Niclas Heitkamp 2, Max Christoph Beneke 1, Christian Wilhelm 1, Niclas Heitkamp 1.
Danmark : Mads Svane Knudsen 5, Viktor Birch Nevers 5, Magnus Norlyk 4, Joachim Lyng Als 2, Lucas Lenler Garsdal 2, Thomas Sommer Arnoldsen 2, Hjalte Lykke 2, Julius Morch-Rasmussen 2, Frederik Sommer Arnoldsen 1, Patrick Boldsen 1.
