Tað eydnaðist sløkkiliðnum í Havn at bjarga 103 ára gamla deksbátinum Havalduni, sum var farin at leka í nátt.
Báturin lá við flotbrúnna úti í Bakka í Havn, tá boðað varð frá, at báturin var um at søkka.
Sløkkiliðið kom á staðið við pumpum – og tað var í evstu løtu, tí báturin hevði nógva slagsíðu, og lastalúkan var um at fara undir. Báturin var tá rættiliga fullur í vatnið, men fór lastalúkan undir, so sakk báturin.
Magnus Hansen, arkitektur í Havn, sum er ein av eigarunum, var á staðnum. Hann greiðir frá, at tyktist var í lagi í gjár, og hann dugir ikki at siga, hvat er á vási.
Báturin er nýliga keyptur av Eiði, og hann hevur framvegis navnið Havaldan FD 468.
##med2##
Talan er um bát, sum Laurits í Mortansstovu bygdi til Søren Müller í Havn í 1919. Magnus Hansen hevur skilt, at hann var bygdur sum sleipibátur til deyðssiglarar. Søren Müller hevði fleiri sluppir.
Báturin æt tá Margrethe eftir dóttir Søren Müller.
Seinni er báturin seldur inn á Skálafjørðin, og er longdur í 1944, sigur Magnus Hansen.
##med3##
Seinastu 30-40 árini hevur báturin verið brúktur til útróður.
Endamálið hjá nýggju eigarunum í Havn er at varðveita bátin. Tann ætlanin fekk so skot fyri bógvin í morgun, men ikki er vist, at skaðin er so stórur kortini – í øllum førum var hann í evstu løtu bjargaður frá at søkka.
##med4##
##med5##