Í gjár var setanardysturin millum Turkaland og Italia. Fyrsti dysturin í dag er millum Wales og Sveis. Wales tók øll á bóli, tá teir til EM-endaspælið í 2016 komu í hálvfinaluna og vunnu bronsu. Hetta er bara aðru ferð í nýggjari tíð, at Wales hevur vunnið seg til eitt endaspæl.
Tað eru fimm ár síðani, at Garteh Bale var á toppinum og førdi Wales fram. Í dag er støðan eitt sindur øðrvísi. Wales hevur klárað seg væl í Nations League, men upptaktin til EM-endaspælið hevur ikki verið góð.
Wales hevur tapt 3-0 móti Fraklandi og spælt málleysan javnleik móti Albania. Ungir spælarar sum Daniel James (Manchester United), Neco Williams (Liverpool) og Ethan Ampadu (Chelsea) eru á veg fram, men teir hava brúk fyri fleiri royndum, áðrenn teir kunnu bera eitt walisiskt landslið.
Avbjóðingin er, at eitt nú Gareth Bale er langt frá toppinum. Tað eru fleiri søgur, sum siga at hann fer at gevast eftir hetta kappingarárið, hóast hann bara er 31 ára gamal. Hann hevur verið uttanfyri hópin hjá Real Madrid í longri tíð. Tað er ikki sami Gareth Bale, ið spælir hetta EM-endaspælið, sum førdi Wales til hálvfinalurnar í EM-2016.
Wales – Sveis (Klokkan 14.00)
Dómari: Clément Turpin (FRA)
Leikvøllur: Olympiski leikvøllurin í Baku, Aserbadjan
Væntað uppstilling:
Wales (3-4-3): Ward – Rodon, Mepham, Davies – Roberts, Ramsey, Allen, Williams – Wilson, Bale, James
Hópurin hjá Wales:
Málverjar:
Wayne Hennessey, Crystal Palace
Danny Ward, Leicester City
Adam Davies, Stoke City
Verjuspælarar:
Ben Davies, Tottenham
Joe Rodon, Tottenham
Chris Mepham, Bournemouth
Chris Gunter, Charlton Athletic
Rhys Norrington-Davies, Sheffield United
Neco Williams, Liverpool
Connor Roberts, Swansea City
Ben Cabango, Swansea City
Tom Lockyer, Luton Town
Miðvallarar:
Joe Allen, Stoke City
Joe Morrell, Luton Town
Ethan Ampadu, Chelsea
Matthew Smith, Manchester City
Jonny Williams, Cardiff City
Aaron Ramsey, Juventus
Dylan Levitt, Manchester United
Rubin Colwill, Cardiff City
David Brooks, Bournemouth
Harry Wilson, Liverpool
Áleyparar:
Kieffer Moore, Cardiff City
Gareth Bale, Real Madrid
Tyler Roberts, Leeds United
Daniel James, Manchester United
