Ungarn skal seinnapartin í dag spæla móti Portugal í EM-endaspælinum. Hetta er ein heilt serligur dystur fyri Ungarn, sum ein av teimum 11 vertstjóðunum til hetta EM-endaspælið. Dysturin verður spældur í Budapest, har níggju av spælarunum hjá Ungarn eru føddir og uppvaksnir. Tí er hetta ein serligur dystur fyri viðhaldsfólkini hjá Ungarn.
Tað ger tað eisini serligt, at Ungarn skal spæla móti verandi EM-vinnarunum Portugal. Í 14 royndum hevur tað ongantíð eydnast Ungarn at vinna á Portugal. Tað eru ikki tær heilt stóru vónirnar til Ungarn, men liðið hevur nú staðið seg væl. Ungarn hevur ikki tapt í 11 teimum seinastu dystrunum, og bara í einum av teimum seinastu 15 hevur tað ikki eydnast at skjóta mál.
Nakrir av spælarunum ganga aftur frá dystunum móti Føroyum til EM 2016 og HM 2018 undankappingarnar. Eitt nú liðskiparin Ádám Szalai, sum spælir við týska Mainz. Stóra stjørnan er Dominik Szoboszlai úr RB Leipzig, men hann bleiv skaddur á degnum, tá hópurin bleiv úttikin. Annars er ongin stór stjørna á liðnum. Ungarn verður ikki mett at hava nakran kjans at koma víðari, tí bólkurin telur Portugal, Frakland og Týskland.
Bólkur F:
Ungarn – Portugal (17.00)
Dómari: Cüneyt Çakır (Turkaland)
Leikvøllur: Puskás Aréna, Budapest
Ungarn: Gulácsi; Fiola, Orbán, Attila Szalai; Lovrencsics, Kleinheisler, Nagy, Schäfer, Holender; Roland Sallai, Ádám Szalai
Hópurin hjá Ungarn:
Málverjar:
Ádám Bogdán, Ferencváros
Dénes Dibusz, Ferencváros
Péter Gulácsi, Leipzig
Balázs Tóth, Puskás Akademia
Verjuspælarar:
Bendegúz Bolla, Fehérvár
Endre Botka, Ferencváros
Attila Fiola, Fehérvár
Szilveszter Hangya, Fehérvár
Ákos Kecskés, Lugano
Ádám Lang, Omonoia
Gergő Lovrencsics, Ferencváros
Willi Orbán, Leipzig
Csaba Spandler, Puskás Akademia
Attila Szalai, Fenerbahçe
Miðvallarar:
Tamás Cseri, Mezőkövesd
Dániel Gazdag, Budapest Honvéd
Filip Holender, Partizan
László Kleinheisler, Osijek
Ádám Nagy, Bristol City
Loïc Négo, Fehérvár
Ándras Schäfer, Dunajská Streda
Dávid Sigér, Ferencváros
Áleyparar:
János Hahn, Paks
Nemanja Nikolić, Fehérvár
Roland Sallai, Freiburg
Szabolcs Schön, Dallas
Ádám Szalai, Mainz
Kevin Varga, Kasımpaşa
Roland Varga, MTK Budapest
