Flestu partrolarapør eru til fiskiskap eftir upsa, og trý pør fiska gulllaks. Upsaskipini koma inn at landa, sum næsta vika gongur.
Á Fiskamarknaði Føroya vita tey í dag at siga, at upsafiskiskapurin framvegis er smáligur.
- Tveir djúpvatnstrolarar eru til fiskiskap. Ein landar í vikuni, sum kemur og hin, sum nýliga er byrjaður túr, landar helst ikki fyrr enn í aðru viku.
Lagt verður aftrat, at teir smáu trolbátarnir fiska á landleiðini. Teir fáa mest av toski og flatfiski. Ein kemur inn at landa mánadagin, og hinir koma seinni í vikuni.
Tvey garnaskip fiska svartkalva. Annað skipið frystir fiskin umborð, og hitt ísar. Eitt garnaskip fiskar eisini havtasku. Garnaskipini hava brúkiligan fiskiskap.
