Kavin hevur ávirkað 4. umfar av nýggju vetrarkappingini hjá Venjarafelagnum. Bara ein av teimum fýra dystunum, sum skuldu spælast í dag, er spældur. NSÍ vann 1-0 á ÍF.
Tað var innskifti Pætur Hentze, sum skoraði einsamalla málið, tá eitt stórt korter var eftir av dystinum. Uppleggið átti normaðurin Peder Nersveen, sum venur við NSÍ í hesum døgnum.
Ein dystur er á skránni í morgin, har TB tekur ímóti KÍ. Síðani eru dystirnir EB/Streymur-Skála og Víkingur-AB settir til týskvøldið, meðan grannauppgerðin millum HB og B36 verður mikukvøldið.
VFF-Cup 4. umfar:
NSÍ – ÍF 1-0
1-0 Pætur Hentze, 72
