Tíðliga í morgun føroyska tíð tóku Petur Knudsen og liðfelagarnir í El Paso í dysti í Western Conference í næstbestu amerikonsku fótbóltsdeildini móti Charleston á heimavølli.
El Paso vann ein týdningarmiklan 3-2 sigur. Í steðginum var støðan javnleikur 1-1.
Tá eitt korter var eftir av dystinum var Charleston á odda 2-1, men við tveimum málum innanfyri níggju minuttir eydnaðist tað El Paso at leggja seg á odda 3-2 og harvið vinna dystin.
Petur var á vøllinum allan dystin, og hann hevði onkran stóran málmøguleika.
El Paso er nummar sjey í Western Conference við 43 stigum. El Paso er tvey stig frammanfyri nummar níggju, Monterrey. Tað ræður um at enda millum átta tey fremstu liðini fyri at vinna seg í endaspælið.
HER ber til at síggja ein samandrátt av dystinum:
##med2##
