Brandur Hendriksson var við frá byrjan, tá lið hansara, Randers FC í dysti í donsku superliguni vitjaði AaB norðuri í Aalborg.
AaB vann dystin 2-1. Fyrstu fimm minuttirnir gjørdust sera dýrir fyri Randers FC. Longu í triðja minutti gjørdi Mads Fenger eitt ófantaligt sjálvmál, og tveir minuttir seinni økti Frederik Børsting til 2-0.
Brandur Hendriksson var skiftur út tá 62 minuttir vóru farnir av dystinum. Inn fyri Brand kom Kasper Enghardt, sum minkaði um munin til 2-1 í 64. minutti, men longur kom Randers FC ikki.
Komandi mikukvøld tekur Randers FC ímóti Brøndby.
Støðan í donsku superliguni, har Randers FC enn er millum seks tey ovastu liðini. Seks tey ovastu liðini fara víðari til endaspælið :
| 1 | FCK | 17 | 12 | 5 | 0 | 39:8 | 41 |
| 2 | Brøndby | 17 | 9 | 5 | 3 | 36:14 | 32 |
| 3 | Randers FC | 18 | 9 | 5 | 4 | 25:19 | 32 |
| 4 | Midtjylland | 17 | 8 | 5 | 4 | 36:20 | 29 |
| 5 | Lyngby | 17 | 8 | 3 | 6 | 18:16 | 27 |
| 6 | SønderjyskE | 17 | 7 | 5 | 5 | 21:22 | 26 |
| 7 | AC Horsens | 18 | 6 | 6 | 6 | 22:31 | 24 |
| 8 | AaB | 18 | 6 | 4 | 8 | 19:26 | 22 |
| 9 | AGF | 18 | 5 | 5 | 8 | 27:30 | 20 |
| 10 | Nordsjælland | 17 | 5 | 5 | 7 | 26:31 | 20 |
| 11 | Silkeborg | 17 | 4 | 7 | 6 | 21:29 | 19 |
| 12 | OB | 17 | 3 | 5 | 9 | 14:26 | 14 |
| 13 | Viborg | 17 | 3 | 3 | 11 | 18:28 | 12 |
| 14 | Esbjerg | 17 | 2 | 5 | 10 | 17:39 | 11 |
