Tað verður ein rein norðurlendsk EM-finala í kvinnuhondbólti millum Noreg og Danmark, sunnukvøldið klokkan 19.45.
Noreg, ið er verandi evropa- og heimsmeistari vann í kvøld sannførandi 28-20 á Fraklandi, ið annars undan dystinum hevði vunnið seks av seks dystum í EM-endaspælinum.
Frakland hekk í Noreg til støðuna 19-21. Tá økti Noreg til 24-19. Frakland fekk eitt mál aftrat til støðuna 24-20, men Noreg stóð fyri restini.
Silje Solberg í norska málinum stórspældi, og átti sín stóra lut í sigrinum.
HER ber til at síggja ein samandrátt av EM-hálvfinaluni:
##med2##
Noreg – Frakland 28-20 (12-11)
Noreg : Nora Mørk 8, Stine Oftedal 7,Henny Ella Reistad 5, Vilde Ingstad 3, Sunniva Næs 2, Emilie Hovden 1, Thale Rushfeldt 1, Stine Skogrand 1.
Frakland : Grace Zaadi 5, Chloe Valentini 4, Orlane Knor 3, Pauletta Foppa 3, Oceane Sercien 1, Coralie Lassource 1, Tamara Horacek 1, Pauline Coatanea 1, Estelle Nze Minko 1.
