Svøríki vann greitt á Kroatia í EM-bólki E í Malmö Arena í kvøld.
Svøríki vann dystin 33-25. Í steðginum vóru svenskararnir á odda 17-13.
Andreas Palicka í málinum stórspældi, og hevði eitt bjargingarprosent upp á 45.
Toppskjúttar hjá Svøríki við fimm málum hvør vóru Eric Johansson og Nikola Roganovic. Zvonimir Srna var við sjey málum toppskjútti hjá Kroatia.
Fyrr í dag vunnu Niðurlond í dystinum triðja plássið í bólkinum 31-26 (18-15) á Georgia.
Við átta málum gjørdist Ivar Stavast toppskjútti hjá Niðurlondum. Giorgi Tskhovrebadze var aftur stórskjútti hjá Georgia. Hesaferð við 11 málum.
Svøríki vann bólkin við seks stigum, og Kroatia endaði á fýra stigum. Svøríki tekur tvey stig, og Kroatia tekur einki stig við sær til millumumfarið. Niðurlond hava tvey stig, og Georgia endaði aftast við ongum stigi.
Úrslitini í bólki E:
17. januar: Kroatia – Georgia 32-29
17. januar: Svøríki – Niðurlond 36-31
19. januar: Niðurlond – Kroatia 29-35
19. januar: Georgia – Svøríki 29-38
21. januar: Niðurlond – Georgia 31-26
21. januar: Svøríki – Kroatia 33-25
HER ber til frá Eurohandball at síggja ein samandrátt frá dystinum Svøríki-Kroatia 33-25 (17-13):
##med2##
