Tað er framvegis ringt at fata stóra bragdið hjá føroyska U17 manslandsliðnum í European Open kappingini í Gøteborg í Svøríki, har vertirnir vóru søktir í finaluni við einum sannførandi føroyskum avriki og einum 36-29 sigri til Føroyar.
Her ber til at síggja handanina av heiðursmerkjum, handanina til bestu spælararnar, og steypahandina til føroyska U17 manslandsliðið.
Elias Ellefsen á Skipagøtu varð kosin týdningarmiklasti spælarin í kappingini, og hann var eisini toppskjútti.
Tveir føroyskir spælarar vórðu kosnir at eiga pláss á stjørnuliðnum, sum varð sett, tá ið finalan var av.
Pauli Jacobsen var kosin besti málverji, og Hákun Vest av Teigum var eisini valdur at vera millum teir sjey bestu.
##med2##
Tað er hvítarussiska hondbóltssambandið, ið hevur verið so beinasamt at leggja upptøkurnar út á YouTube.
