Kvinnurnar hjá Víkingi royna at gera monnunum kunstin eftir, og tær eru eisini oddalið í Betrideildini.
Víkingur vann í dag greiðan 3-0 sigur á B36 á ovara vølli í Gundadali í Havn.
Hagtølini við royndum á máli hjá mótstøðuliðnum søgdu 13-3 til Víking.
B36-Víkingur 0-3 (0-1)
0-1 Eydna Olsen Dalheim (14.)
0-2 Jensa Tórolvsdóttir (79.)
0-3 Jensa Tórolvsdóttir (85.)
Við Stórá í Trongisvági fekk TB/FCS/Royn fyrsta sigurin og fyrstu stigini hetta kappingarárið, tá suðringar vunnu 3-1 á Skála ÍF.
Hagtølini við royndum á máli hjá mótstøðuliðnum søgdu 12-5 til FC Suðuroy.
TB/FCS/Royn-Skála 3-1 (2-1)
1-0 Julia Uliyana Carr (minutttal fyriliggur ikki)
2-0 Tórunn Klakkstein Vilhelm (31.)
2-1 Sara Benjaminsen (32.)
3-1 Julia Uliyana Carr (88.)
Við Løkin í Runavík endaði dysturin millum NSÍ og HB við javnleiki 1-1.
Tá 63 minuttir vóru leiktir var málverjin hjá HB, Gunnvá Lutzen víst av vøllinum, og í tí eftirfylgjandi brotssparkinum legði Julia Naomi Mortensen NSÍ á odda 1-0.
Hóast tær vóru 11 móti 10 leikarum eydnaðist ikki NSÍ at knógva sigurin. Tá fimm minuttir vóru eftir av vanligu leiktíðini javnaði Sunniva Willemoes til 1-1, ið gjørdist endaliga úrslitið.
Hagtølini við royndum á máli hjá mótstøðuliðnum vístu 4-2 til NSÍ.
NSÍ-HB 1-1 (0-0)
1-0 Julia Naomi Mortensen br. (64.)
1-1 Sunniva Willemoes (85.)
Klokkan 18 byrjar dysturin á Hoyvíksvøllinum millum FC Hoyvík og verandi meistararnar, KÍ.
Kelda: dystir.fo
Støðan:
| Nr | LIÐ | Stig | Dystir | V | J | T | MF | MÍ | MM |
| 1. | Víkingur kv. | 16 | 6 | 5 | 1 | 0 | 38 | 1 | 37 |
| 2. | NSÍ kv. | 13 | 6 | 4 | 1 | 1 | 36 | 5 | 31 |
| 3. | KÍ kv. | 13 | 5 | 4 | 1 | 0 | 23 | 3 | 20 |
| 4. | HB kv. | 10 | 6 | 3 | 1 | 2 | 13 | 5 | 8 |
| 5. | B36 kv. | 6 | 6 | 2 | 0 | 4 | 14 | 12 | 2 |
| 6. | FC Hoyvík kv. | 4 | 5 | 1 | 1 | 3 | 3 | 28 | -25 |
| 7. | TB/FCS/Royn kv. | 3 | 6 | 1 | 0 | 5 | 3 | 40 | -37 |
| 8. | Skála ÍF kv. | 1 | 6 | 0 | 1 | 5 | 1 | 37 | -36 |
Kelda: dystir.fo
