Tey í felagsskapinum, Frítt Val, sum virkar fyri fríari fosturtøku í Føroyum, heitir nú á myndugleikarnar í Danmark um at taka stig fyri at gera tað lættari hjá kvinnum í Føroyum at sleppa til Danmarkar at fáa fosturtøku. Men hóast tey virka fyri fríari fosturtøku í Føroyum, ásanna tey, at hetta er eitt tógvið stríð, sum tey ikki fara at vinna í bræði.
Tey siga, at tey eru javnan í sambandi við kvinnur, sum eru í eini ringari støðu, tí einasti møguleikin er at fara av landinum at fáa fosturtøku, men tað kann vera bæði fløkt og dýrt. Hetta er ein neyðloysn, sum tíverri er veruleikin hjá fleiri kvinnum, siga tey í Fríum Vali. Men tey vísa eisini á, at kvinnur, sum eru búsetandi í Føroyum, hava ikki rætt til at fáa fosturtøku í danska heilsuverkinum, tí tær mugu sjálvar rinda fyri tað.
Tí heita tey nú á myndugleikarnar í Danmark um at strika kravið um, at kvinnur í Føroyum skulu hava danskt cpr-nummar, tá ið tær
mugu til Danmarkar at fáa fosturtøku. Tey halda, at í hesum sambandi ber tað til hjá myndugleikunum í Danmark at gera stóran mun beint nú.
Tí heita tey á myndugleikarnar í Danmark um at strika kravið um, at hesar kvinnur skulu hava danskt cpr-nummar, og fastan bústað í Danmark. Tað merkir, at kvinnur, sum eru fastbúgvandi í Føroyum, skulu hava sama rætt til fosturtøku í danska heilsuverkinum, sum danir hava.
