Landsliðsverjuskansin, Andrias Edmundsson og liðfelagarnir í Wisla Plock, ið spælir í næstbestu pólsku fótbóltsdeildini spældu fyrr í dag fyrsta dystin í hesum árinum.
Talan var um ein venjingardyst móti Motor Lublin, ið spælir í bestu pólsku fótbóltsdeildini.
Motor Lublin vann dystin 2-1. Í steðginum var Motor Lublin á odda 1-0. Andrias byrjaði ikki dystin, men spældi allan seinna hálvleik.
Komandi mikudag klokkan 13 spælir Wisla Plock venjingardyst móti Warta Gorzow, ið spælir í triðbestu pólsku fótbóltsdeildini.
Kappingin í næstbestu pólsku deildini byrjar aftur 15. februar. Wisla Plock fer við dystinum í dag at spæla átta venjingardystir áðrenn fyrsta kappingardystin 15. februar móti Glogow.
