Veðurstovan. Fríggjadagur 2. august 2024
Forsøgn galdandi til á middegi leygardagin, skrivað klokkan 08.00 UTC.
Frískur vindur upp í ein strúk av landsynningi, 8 til 13 m/s, í støðum upp í hvassan vind, 15 m/s, samdrigið og regnella ælaveður. Seinnapartin minkar vindurin niður í eitt frískt lot til frískan vind 5 til 10 m/s. Í kvøld gongur hann niður í sunnan og minkar vindin niður í lot til frískt lot, 3 til 8 m/s, og sum frálíður slítur í. Í nátt og fyrrapartin í morgin lot til frískt lot av landsynningi, 3 til 8 m/s, klárt ella smáskýggjað og yvirhøvur turt. Hitin 11 til 15 stig.
Fríggjadagur 2. august 2024, skrivað kl 10:15 UTC.
Eitt lágtrýst, 978 hPa, sunnan fyri Ísland stendur í stað og grynnist eitt sindur. Lýggj og slavin luft streymar ímóti Føroyum í dag av landsynningi, og brúgvaløg við regni ella ælaveðri liggja yvir Føroyum. Leygarnáttina er lágtrýstið farið í útnyrðing og brúgvaløgini norðurum, og ein veikur hátrýstryggur sunnaneftir fer at stinga seg norður ímóti okkum við turrveðri og klárum loftið leygardagin. Sunnudagin er hátrýstryggurin farin eystureftir, og eitt nýtt lágtrýst nærkast okkum av útsynningi. Sunnukvøldið og mánanáttina er brúgvalag yvir okkum við nógvum regni og vindi av landsynningi. Fyrstu dagarnar í næstu viku fer eitt lágtrýstøki at vera beint vestan fyri Føroyar, sum fer at hava umleypandi verður í Føroyum við sær. Ættin fer at liggja millum landsynning og sunnan, og brúgvaløg haðani við regni fara eisini at leggja seg yvir landið mikunáttina. Lágtrýstið fer at vikna fram ímóti miðvikuni.
Forsøgn galdandi til leygarmorgun
Frískur vindur upp í ein strúk av landsynningi, 8 til 13 m/s, í støðum upp í hvassan vind, 15 m/s, samdrigið og regn ella ælaveður. Seinnapartin minkar vindurin niður í eitt frískt lot til frískan vind 5 til 10 m/s. Í kvøld gongur hann niður í sunnan og minkar vindin niður í lot til frískt lot, 3 til 8 m/s, og sum frálíður slítur í. Í nátt og fyrrapartin í morgin lot til frískt lot av landsynningi, 3 til 8 m/s, klárt ella smáskýggjað og yvirhøvur turt. Hitin 11 til 15 stig.
Leygardagur
Lítið lot sunnan, minni enn 5 m/s, klárt ella smáskýggjað við sólglottum, fyrrapartin tó okkurt ælið í støðum. Hitin 10 til 15 stig.
Sunnudagur
Lot til frískt lot av landsynningi, 3 til 8 m/s, smáskýggjað og sólglottar, men eisini okkurt ælið í støðum. Seinnapartin veksur vindurin upp í lot til frískt lot, 5 til 10 m/s, tað dregur á luftina og okkurt ælið. Um kvøldið frískur vind upp í hvassan vind, 10 til 15 m/s, samdrigið og regn. Hitin 10 til 15 stig.
Mánadagur
Frískur vindur upp í ein strúk sunnan, 8 til 13 m/s, samdrigið og regn ella ælaveður. Seinnapartin og um kvøldið lítið lot sunnan, minni enn 5 m/s, smá- ella hálvskýggjað og yvirhøvur turt. Um náttina gongur ættin í landsynning, og vindurin veksur upp í lot til frískt lot, 3 til 8 m/s. Hitin 10 til 14 stig.
Týsdagur
Frískt lot til frískan vind av landsynningi og suðuri, 5 til 10 m/s, klárt ella smáskýggjað og yvirhøvur turt, men eisini løtur við ælaveðri í støðum. Um náttina samdrigið og regn ella ælaveður. Hitin 10 til 14 stig.
Mikudagur
Frískur vindur upp í strúk av landsynningi, seinni av útsynningi, 8 til 13 m/s, skiftandi skýloft og ælaveður. Um kvøldið og um náttina gongur hann upp í vestan og minkar vindin niður í lot til frískt lot, 3 til 8 m/s, hálvskýggjað og okkurt ælið. Hitin 11 til 15 stig.
Fríggjadagur 2. august 2024
