Vikuskiftið, 7.-9. mars, verður hátíðarhildið, at Sunda kommuna hevur 20 ár á baki, og hetta vikuskiftið verður ein røð av savnandi tiltøkum í kommununi.
Í 2004 løgdu seks kommunur saman í eina kommunu.
- Samlaða Sunda kommuna tók við hin 1. januar 2005. Síðan tá hevur kommunan verið í rúkandi menning, og fólkatalið er vaksið munandi.
Soleiðis siga tey í Sunda kommunu í dag.
Lagt verður aftrat, at á skránni, tá ársdagurin verður hildin, verður millum annað felags morgunmatur, hoppiland, fyrilestur, pubquiz, køkuborð, opið hús á kommunuskrivstovuni og ymiskt annað.
- Endalig skrá kemur út seinni í mánaðinum, siga tey í Sunda kommunu í dag.
