Fuglafjarðar kommuna, sum umframt Fuglafjørð, eisini fevnir um Kambsdal og Hellur, arbeiðir við einari heildarætlan um býarplanlegging, og her verður arbeitt við øllum økjum í kommununi.
Í hesum sambandi ætlar kommunan at leggja út á sína heimasíðu leypandi kunning um tøk grundøkir. Í dag verður víst á, hvørjir møguleikar í løtuni eru fyri sethúsabygging á Kambsdali.
Á Kambsdali eru planerað grundstykki, soleiðis sum viðheftu myndir vísa, og her eru tekniskar leiðingar lagdar til økið, eitt nú vatn, kloakk, el og telefonleiðingar.
Í Fuglafjarðar kommunu vísa tey á, at á Kambsdali er felags vatnreinsiverk, og kommunan er eisini í holt við at víðka um útstykkingina á Kambsdali.
- Kostnaðurin fyri grundstykkini á Kambsdali er 200.000 krónur, siga tey í Fuglafjarðar kommunu, sum annars vísir til neyvari kunning við at venda sær til kommununa.
##med2##
