206 av teimum 440, sum teknaðu seg til ung í arbeiði hjá Tórshavnar Kommunu hava nú fingið boðið arbeiði. Tað ber til at fara inn á heimasíðuna hjá Tórshavnar kommunu her og síggja, hvør er sloppin við og hvar viðkomandi skal arbeiða.
Átakið er í tíðarskeiðnum frá 28. juni til og við 23. juli. Tey ungu fara at gera ymiskt fyrifallandi arbeiði, so sum smáumvælingar, lúka og sópa gøtur, mála og rudda fyri at fríðka um kommununa.
