Bæði føroyingaliðini úr Aarhus í næstbestu donsku hondbóltsdeildini vóru í leiki í dag.
Teis Horn Rasmussen, Peter Krogh og liðfelagarnir í HC Aarhus vunnu á heimavølli 27-24 á Midtjyllandi. Grundin var løgd í fyrra hálvleiki. Í steðginum var HC Aarhus á odda 15-10.
Teis gjørdist næstbesti málskjúttin hjá Aarhus við fimm málum. Toppskjútti var Mathias Møller við sjey málum. Peter Krogh skoraði eitt mál.
Niklas Højgaard Hanusarson og liðfelagarnir í Skovbakken taptu á heimavølli 31-38 fyri gamla liðnum hjá Teis Horn Rasmussen, TM Tønder. Í steðginum var útiliðið á odda 21-17.
Niklas skoraði eitt mál.
Komandi leygardag klokkan 14 verður føroyingauppgerð. Tá taka Pauli Mittún og liðfelagarnir í Team Sydhavsøerne móti Skovbakken á heimavølli.
Komandi sunnudag klokkan 14 spælir HC Aarhus á útivølli móti gamla liðnum hjá Teis, TM Tønder.
STØÐAN:
Nr. | Lið: | Dystir | Stig |
1 | Grindsted | 12 | 21 |
2 | Skive fH | 12 | 19 |
3 | HC Midtjylland | 12 | 18 |
4 | HØJ | 12 | 16 |
5 | TM Tønder | 12 | 15 |
6 | Aarhus HC | 12 | 15 |
7 | Team Sydhavsøerne | 12 | 13 |
8 | FIF | 12 | 11 |
9 | Rækker Mølle | 12 | 9 |
10 | Skovbakken | 12 | 8 |
11 | Odder | 12 | 8 |
12 | HC Odense | 12 | 8 |
13 | Vendsyssel | 12 | 5 |
14 | Køge | 12 | 2 |