Opið er frá 10-16, og millum 10 til 12 og 13 til 15 eru verkstovur, har fólk fáa høvi at nappa, karða, spinna og binda, bæði úr tógvi og beinleiðis úr ull. Lærarar fara at sita læra frá sær.
Børnini læra at tøva, virka bond, spinna og annað.
Dorthea Joensen starvast á Búnaðarstovuni, og samskipar tiltakið.
- Tiltakið varð fyrstuferð í fjør. Umleið 200 fólk vitjaðu, og tey lótu væl at. Fólk hava áhuga, og hetta er eitt hugnaligt tiltak. Tá tú sigur við ullini hevur tú tíð at práta, og hyggja uppá hvønn annan, sigur Dorthea Joensen.
