AB hevur leigað ungan áleyparan Hans Jákup Annfinsson úr HB. Leigusáttmálain er galdandi fyri restina av hesum kappingarárinum.
Hans Jákup Annfinsson er 19 ára gamal, og hevur í ár spælt 14 dystir við 1.deild hjá HB, har hann hevur skotið tvey mál. Hann hevur fyri tað mesta spælt á vonginum, men er upprunaliga áleypari. Samanlagt hevur hann skotið 12 mál í 1.deild upp á 40 dystir, sæst á Faroesoccer.com.
AB hevur í longri tíð leitað eftir einum áleypara. Fyrr í ár kom útlendskur áleypari til felagið, men tað vísti seg skjótt, at hann passaði ikki til. Felagið hevur eisini verið í samráðingum við eitt nú Jón Krosslá Poulsen, men hevur valt 07 Vestur og Suðringar.
Hans Jákup Annfinsson fimm ferðir verið á vøllinum fyri besta liðið hjá HB, so talan er ikki ein royndan spælara, men ein spælara, sum skal geva AB størri breidd í hópin. Tað ljóðar eisini, at HB hevur fingið fyrispurningar um aðrar spælarar, sum ikki spæla fast á besta liðnum.
