Palestinski forsetin, Mahmoud Abbas, heitir nú á hernaðarliga bólkin hjá Hamas um at leyslata gíslarnar, sum framvegis sita í fangilsi í Gazageiranum.
Forsetin sigur, at gíslarnir eru høvuðsorsøkin, sum gevur Ísrael høvi at leypa á Gazageiran.
- Hamas hevur givið kriminellu hersetingini eina umbering fyri at fremja síni brotsverk í Gazageiranum.
Mahmoud Abbas sigur, at tað er fólkið í Gazageiranum, sum rindar prísin og heitir á Hamas um at leyslata gíslarnar, sum Hamas framvegis hevur í fangilsi.
Tað er norska kringvarpið NRK, sum endurgevur útlendskar miðlar fyri hesar útsagnir hjá palestinska forsetanum.
