Løgreglan fann leivdir av húð og hári uppi á klæðum, sum lógu í einum posa, sum løgreglan fann við eitt møtipláss nærhendis flogvøllinum í Faro fyri 14 døgum síðani, skrivar bretska blaðið DailyTelegraph.
Húð- og hárleivdirnar eru nú kannaðar, og rannsóknarstovan fann DNA, sum lutvíst samsvarar við DNA hjá Madeleine McCann.
Talsmaðurin hjá McCann-hjúnunum, Clarence Mitchell, vil ikki gera nakrar viðmerkingar til tíðindini úr Portugal, men ein vinmaður hjá hjúnunum sigur við Daily Telegraph, at Kate og Gerry McCann eru fegin um tíðindini.
- Hetta vísir eftir teirra tykki, at tann, sum burturflutti Madeleine, tveitti hesi klæðini frá sær á vegnum úr Pria Da Luz, sigur vinmaðurin við blaðið.
